Description
Գիրքը իր բովանդակութեամբ ու իր շունչով այժմէական պատգամ մը ըլլալու կողքին, նաեւ հայ երիտասարդութեան ու անոր գաղափարապաշտ հատուածին համար կը մնայ մնայուն ներշնչարան եւ կողմնացոյց: Այս գիրքին ընդմէջէն ի յայտ կու գայ Նժդեհի ճառագայթող հաւատքը երիտասարդութեան ու անոր կատարելիք գործին նկատմամբ: Այս հրատարակութիւնը գանձարան մըն է բարոյական արժէքներու սահմանումի, արժէչափերու բացայայտման եւ կենարար ու մշտանորոգ պայքարի ու գործի անհրաժեշտութեան շեշտաւորման: Գիրքի իւրաքանչիւր տողը այս բոլորի հարազատ վկայութիւնը կու տայ մեզի: Դասագիրք մը, որուն պէտք է վերադառնալ ամէն անգամ, երբ մեր հաւաքական կեանքը կը դիմագրաւէ ծանր ու լուրջ մարտահրաւէրներ:
