Description
Բովանդակութիւն՝ Յառաջաբան, «Հին Աստուածներ», «Հոգիները Ծարաւի», Ծանօթագրութիւններ, Բառարան:
Իբրեւ մարդ եւ իբրեւ գրող՝ Լեւոն Շանթ իւրայատուկ տեղ մը կը գրաւէ մեր մշակոյթի պատմութեան մէջ: Զօրաւոր անհատականութեան տէր անձ ու տեսիլք ունեցող մանկավարժ՝ կոփած է ան սեփական իր հոգին եւ նպաստած՝ բազմաթիւ սերունդներու կազմաւորումին: Թռիչք եւ ձգտում ունեցող գրող՝ մեր գրականութիւնը հարստացուցած է ան մարդկային հոգին ազնուացնող վէպերով ու թատերախազերով, որոնք կը նկարեն մարդ էակի նկրտումը բարոյական բարձրունքներն ի վեր:
